ပေါ်တူဂီအသင်းခေါင်းဆောင် တိုက်စစ်မှူး စီရော်နယ်လ်ဒိုသည် တောင်ကိုရီးယားနှင့် ယှဉ်ပြိုင်ရမည့် အုပ်စုနောက်ဆုံးပွဲတွင် ပါဝင်နိုင်ရန်မသေချာကြောင်း နည်းပြ ဖာနန်ဒိုဆန်းတို့စ်က အတည်ပြုခဲ့သည်။
စီရော်နယ်လ်ဒိုသည် ဗုဒ္ဓဟူးနေ့ကပြုလုပ်ခဲ့သော လေ့ကျင့်ခန်းအစီအစဉ်တွင် ပါဝင်နိုင်ခြင်းမရှိခဲ့ဘဲ Gym ၌သာ တစ်ဦးတည်းလေ့ကျင့်ခဲ့ရသည်။
ထို့ကြောင့် ဖာနန်ဒိုဆန်းတို့စ် က တောင်ကိုရီးယားနှင့်ပွဲတွင် စီရော်နယ်လ်ဒိုကစားနိုင်ရန်မှာ အခွင့်အရေး(၅ဝး၅၀)သာရှိသည်ဟု ဆိုခဲ့သည်။
ပေါ်တူဂီအသင်းသည် နောက်တစ်ဆင့်တက်ရောက်နိုင်ပြီးဖြစ်သလို၊ အုပ်စုပထမနေရာလည်း သေချာသလောက်ဖြစ်နေ၍ စီရော်နယ်လ်ဒိုကို အနားပေးဖွယ်ရှိနေသည်။
