လက်ရှိအချိန်တွင် လိဒ်စ်အသင်း၏ရှယ်ယာ(၄၄%)ကို ပိုင်ဆိုင်ထားပြီး အဓိကရှယ်ယာရှင်တစ်ဦးအဖြစ် ရပ်တည်နေသည့် အမေရိကန်ကုမ္ပဏီ 49ers Enterprises သည် ၂၀၂၄ ခုနှစ်တွင် အသင်းကို အလုံးစုံပိုင်ဆိုင်မည်ဖြစ်ပြီး ယင်းအတွက် စုစုပေါင်းပေါင်သန်း(၄၀၀)ကျော် ကုန်ကျလိမ့်မည်ဟု ဗြိတိန်မီဒီယာများက ဖော်ပြခဲ့ကြသည်။
49ers သည် ၂၀၁၈ ခုနှစ်တွင် အသင်း၏ ရှယ်ယာများကို စတင်ဝယ်ယူခဲ့ခြင်းဖြစ်ပြီး အပြီးသတ်ဝယ်ယူရန်ပါ သဘောတူညီမှု ရယူထားခဲ့ကြောင်း သိရသည်။
လိဒ်စ်အသင်းကို လက်ရှိအချိန်တွင် Aser Group က အများဆုံးပိုင်ဆိုင်ထားပြီး ယင်းကုမ္ပဏီ၏ ဥက္ကဋ္ဌတစ်ဦးဖြစ်သည့် ရာဒရစ်ဇာနီကပင် အသင်းဥက္ကဋ္ဌအဖြစ် ဆောင်ရွက်နေသည်။
၎င်းသည် လိဒ်စ်အသင်းကို ၂၀၁၇ ခုနှစ်က ပေါင်(၄၅)သန်းဖြင့် ဝယ်ယူခဲ့ခြင်းဖြစ်သော်လည်း 49ers ၏ အလုံးစုံပိုင်ဆိုင်ရန် ကြိုးပမ်းမှုမှာမူ ပေါင်သန်း(၄၀၀)ကျော် ကုန်ကျမည်ဟု သိရသည်။
49ers သည် မူလက ယခုနှစ်ထဲမှာပင် လက်ကျန်ရှယ်ယာများကို ဝယ်ယူရန် စီစဉ်ခဲ့သည်ဟု သိရသည်။
