စီရော်နယ်လ်ဒိုနှင့် မန်ယူ အဆုံးသတ်ခဲ့သည့်ပုံစံသည် ဝမ်းနည်းစရာကောင်းပြီး ကလပ်အသင်းအတွက် ၎င်းရယူပေးခဲ့သည့် အောင်မြင်မှုများကို မေ့ပစ်၍မရဟု မန်ယူအသင်းနောက်ခံလူဟောင်း အီဗရာက သုံးသပ်ခဲ့သည်။
စီရော်နယ်လ်ဒိုနှင့် အသင်းဖော်လည်းဖြစ်ခဲ့သူ အီဗရာက ”ဒါ(လမ်းခွဲမှု)ဟာ အကောင်းဆုံးဆုံးဖြတ်ချက်ဆိုတာ ကျွန်တော် မသိပါဘူး။ ဒါပေမဲ့ ကြီးမားတဲ့ပွတ်တိုက်မှု ဖြစ်ခဲ့လို့ ကလပ်အသင်းရော ခရစ္စတီယာနိုပါ ကျေနပ်လိမ့်မယ်လို့ ကျွန်တော် ယူဆပါတယ်။ အငြင်းပွားစရာတွေက အများကြီးပါပဲ။ မန်ချက်စတာယူနိုက်တက်ထက် ခရစ္စတီယာနိုရော်နယ်လ်ဒိုအကြောင်းကို လူတွေက ပိုပြောလိမ့်မယ်လို့ ကျွန်တော် ထင်ပါတယ်။ ပြီးတော့ ကလပ်အသင်းအထက်မှာ ဘယ်သူမှ မရှိဘူးဆိုတာပေါ့။ ကစားသမားတစ်ယောက်အနေနဲ့ သူ နာကျင်ခဲ့ရတယ်။ သူဟာ လူသားတစ်ဦးပါ။ နောက်ကွယ်မှာ ဘာတွေဖြစ်ခဲ့သလဲဆိုတာ မသိပါဘူး။ ဒါကြောင့် တန်ဟက်ဂ်နဲ့ ပြဿနာဖြစ်ခဲ့တဲ့ ခရစ္စတီယာနိုရော်နယ်လ်ဒိုအကြောင်း ကျွန်တော် မပြောတာပါ။ အင်တာဗျူးပြီးတဲ့အချိန်မှာ ကလပ်အသင်းရော သူကိုယ်တိုင်ပါ နောက်ကြောင်းပြန်လှည့်လို့ မရတော့ပါဘူး။ ယူနိုက်တက်အတွက် သူ ထပ်မကစားရတော့ဘူးဆိုတာ သူကိုယ်တိုင်လည်း သိပါတယ်။ ဒါပေမဲ့ ကလပ်အသင်းအတွက် သူရယူပေးခဲ့တဲ့ အောင်မြင်မှုတွေကို မေ့ပစ်လို့ မရပါဘူး။ သူဟာ မန်ယူနိုက်တက်အတွက်ကစားခဲ့တဲ့ အကြီးကျယ်ဆုံးကစားသမားတွေထဲက တစ်ယောက်ပါ။ ဒီလိုနည်းနဲ့ အဆုံးသတ်ရတာ ဝမ်းနည်းစရာကောင်းပါတယ်။ ဒါပေမဲ့ ဒါက ဘောလုံးပါပဲ”ဟု Amazon Prime တွင် ပြောကြားခဲ့သည်။
